ŽURNAL BARADA

• Baş sahypa

• Maksady

• Redkollegiýa

ARHIW

• Soňky sany

• Ýyllara görä

GATNAŞYK

• Myhman depderi

• Habarlaşmak üçin

• Dost sahypalar

GÖKDEPE – GAHRYMANÇYLYK DESSANYNYŇ ÝAZYLAN ÝERI

1881-nji ýylyň 12-nji ýanwarynda ir bilen 11 sagat 20 minutda 1 tonna 120 kilogram därini galanyň gündogar böleginde partladyp, oňa girmäge mümkinçilik gazanan rus goşunlary eýýäm 12 sagat 30 minutda galanyň içinde aljyraňňylyga düşen adamlary uçdantutma gyryp ýördüler. Duşmanyň 1 million 140 müň oky bardy. Ol oklar galanyň içine ýygnanan 45 müň çemesi türkmene garşy atylmalydy. Elinde sowuk ýaragdan başga idili söweş esbaby bolmadyk her türkmene 25 okdan ýetýär. 23 günläp gabalan galanyň içine 872 müňden gowrak tüpeň oky we 120 müňden gowrak top oky atylypdyr… Şahyr Gurbannazar Eziziowyň sözleri bilen aýtsak bir başa bir ölüm ýeterlikkä, bir başa 25 ölüm artygrak dälmi?

Ýöne gala ýygnananlar Watan üçin bir gezek däl, 25 gezek ölmelem bolsa taýýardylar. Olar muňa boýun alykdylar. Olarda esasy maksat Watan üçin jan bermek, şehit bolmakdy. Olar Watan üçin, ar-namys üçin gara başy gurban etmegiň diňe sözde däl-de, durmuşda nähili bolýandygyny görkezipdiler. Bu bize ata-babalarymyzdan galan iň uly baýlygyň, iň gymmatly mirasyň biridir. Olar bize Watany söýmegiň asyl nusgasyny goýup gitdiler...

Maglumatlar www.eyho.8m.net -den alyndy

SANLAR we MAGLUMATLAR

• Birinji ahal-teke ýörişinde ors goşunlaryna ýolbaşçylyk eden Skobelew ekspedisiýanyň düzüminde habarçynyň bolmazlygyny birinji şert edip goýupdyr.

• Gökdepäni zabt etmek üçin gelen goşunyň:

  • 45 rotasy,

  • 11 ýüzlügi we eskadrony,

  • 11 raketa stanogy,

  • 76 topy,

  • 5 müňe golaý tüpeňi,

  • 150 put därisi,

  • 1 million 140 müň patrony,

  • 30 müňe golaý snarýat we granatlary bolupdyr.

  Gökdepäni goraýjy türkmenleriň bolsa bary-ýogy 600 sany rus berdankasy (1879-njy ýyldaky uruşda olja alnan) bar eken.

• Basybalyjy güýçler guma gaçanlary yzarlap 15 wýorst ýol geçýärler. Kowgy wagty 8 müňe golaý adam öldürilýär. Gala zabt edilenden soňra, onuň içinde 6500 jeset jaýlanýar.

• Boýy 600 sažen, ini 366 sažen bolan, içine 14 müň öý, 40 müň çemesi ilat ýygnan kiçijik galanyň içine gabawyň 23 gününiň dowamynda 872 müň patron, 12400 top oky atylypdyr.

• Diňe gala zabt edilip alnan güni 5604 top top oky, 224 raketa, pyýada goşun tarapyndan 273 müň ok, atly goşun tarapyndan bolsa 12500 patron atylypdyr.

• Gala alnandan soň 4 günläp talaňçylyk yglan edilipdir.

(N. Hojageldiýewiň «Skobelew milli gahrymanmy ýa-da...» atly kitaby esasynda).

Boýy 600 sažen, ini 366 sažen bolan, içine 14 müň öý, 40 müň çemesi ilat ýygnan kiçijik galanyň içine gabawyň 23 gününiň dowamynda 872000 patron, 12400 top oky atylypdyr.

General Skobelew Gökdepe gyrgynçylygyndan soň bary-ýogy bir ýyl ýaşaýar.

LEW TOLSTOÝ SKOBELEWE ÇÜRT-KESIK GARŞYLYKLY GARAÝARDY

«Uruş we parahatçylyk» romanynyň awtory rus ýazyjysy Lew Tolstoý general Skobelewe çürt-kesik garşylykly garan şahsyýetleriň biridir. Tolstoý öz ýazgylarynda «Gökdepäni eýelänlerinden soňra, esgerleriň goragsyz garrylary we çagalary talamaga we öldürmäge gitmedikleri üçin, Skobelewiň olara arak berilmegini buýrandygyny, diňe  şondan soň serhoş bolan esgerleriň talaňa gidendikleri» barada ýazýar.

Basybalyjylar esasan garrylardan, aýallardan we çagalardan bolan guma gaçan bosguny yzarlap 15 wýorst ýol geçýärler we 8 müňe golaý goragsyz adamlary öldürýärler.

Galanyň içinde bolsa 4 günläp talaňçylyk yglan edilýär.

Bu wakalaryň esasy sebäpkäri ganhor general Skobelew Gökdepe wakalaryndan soň uzak ýaşamaýar. Ol bary ýogy 1 ýyldan soň 1882-nji ýylda ýüreginiň çat atmasyndan ýogalýar.

( http://www.levtolstoy.org.ru/lib/sb/book/1889/page/38 )

Резко отрицательно относился Толстой к наиболее популярному из полководцев конца XIX в. - М. Скобелеву. Он рассказывал, как "после взятия Геок-Тепе, когда солдаты не шли грабить и убивать беззащитных стариков, детей, Скобелев велел напоить их пьяными, и они пошли" (27, 273, 524, 53.9; ср.: 28, 248; 39, 75).