ŽURNAL BARADA

• Baş sahypa

• Maksady

• Redkollegiýa

ARHIW

• Soňky sany

• Ýyllara görä

GATNAŞYK

• Myhman depderi

• Habarlaşmak üçin

• Dost sahypalar

BITARAPLYK – BAGT SAKASY

Daşary syýasy meselelere bagyşlanan “edebiýatlarda” bitaraplyk diýip beýleki döwletleriň arasyndaky urşa gatnaşmaýan we söweşýän taraplaryň hiç birine-de harby kömek bermeýän döwletiň syýasy hem hukuk ýagdaýy aňladylýar. Bitaraplyk şeýle ýagdaý hökmünde gadymy döwürde hem belli bolupdyr, ýöne iş ýüzünde ol döwürde o diýen giňden ösmändir. XVIII asyrdan başlap “bitaraplyk” diýen söz halkara gatnaşyklarynda ulanylyp başlanýar.

Türkmen halkynyň köp asyrlyk taryhynda bahasyna ýetip bolmajak, diýseň ägirt uly ähmiýetli, zamana derejesindäki beýik wakalaryň biri söýgüli Serdarymyz Saparmyrat Türkmenbaşynyň jöwher pähimli syýasatynyň miwesi bolan Bitaraplyk baýramydyr. Milletiň öňbaşçysy halkymyza her millete nesip etdiribem durmaýan beýle bagty alyp bermek üçin ýurdumyzyň garaşsyz bolan gününden başlap berk alada etdi. Daşary syýasatda Türkmenistanyň parahatçylyk söýüji, hoşmeýilli bitaraplyk syýasatyny ýöretjekdigini yglan edip, ony gyşarnyksyz berjaý etdi. Saparmyrat Türkmenbaşy 1992-nji ýylyň iýul aýynda Ýewropada howpsuzlyk we hyzmatdaşlyk guramasynyň agzalary bolup durýan döwletleriň döwlet we hökümet baştutanlarynyň konferensiýasynda eden çykyşynda Türkmenistanyň öz daşary syýasat ugrunyň özeni edip parahatçylyk we ynsanperwerlik ideýalaryny saýlap alandygyny belledi. Ykdysady hyzmatdaşlyk guramasynyň agzalary bolup durýan döwletleriň baştutanlarynyň 1995-nji ýylyň martynda Yslamabatda bolan duşuşygynda sebitde bitarap döwletiň we parahatçylygy ýola goýujy merkeziň statusynyň (derejesiniň) berilmegi hakdaky teklibi öňe sürdi.

Halkymyzyň bitarap döwlet bolmak baradaky myradynyň hasyl bolmagynda Beýik Ynsan Saparmyrat Türkmenbaşynyň 1995-nji ýylyň 23-nji oktýabrynda Birleşen Milletler Guramasynyň Baş Assambleýasynyň 50-nji ýubileý sessiýasynda eden çykyşy aýratyn ähmiýete eýe boldy. Şol taryhy çykyşynda Merhemetli Serdarymyz Türkmenistanyň hemişelik bitaraplyk syýasatynyň düýp mazmunyny çuň esaslandyrdy we bu syýasatyň iş ýüzünde durmuşa geçirilýändigini nygtap belledi.

1995-nji ýylyň 12-nji dekabry. Bu gün türkmen halkynyň taryhyna altyn harplar bilen ebedilik ýazylan gündir. Şol gün Birleşen Milletler Guramasynyň Baş Assambleýasy Türkmenistanyň hemişelik bitaraplyk statusyny ykrar etmek we goldamak baradaky rezolýusiýasyny kabul etdi. 185 döwletiň biragyzdan tassyklan şu namasy Türkmenistanyň BMG tarapyndan ykrar edilen ilkinji bitarap döwletdigini dünýä jar etdi.

Ýurdumyzyň hemişelik bitaraplyk statusyny almagy 1995-nji ýylyň 27-nji dekabrynda geçirilen Türkmenistanyň Halk Maslahatynyň mejlisiniň üns merkezinde boldy. Halk maslahaty bitaraplyk statusy bilen baglanyşykly Konstitusiýa üýtgeşmeler girizdi we birnäçe kanunlary kabul etdi. Türkmenistanyň Prezidentiniň Permany bilen her ýylyň 12-nji dekabrynda “Türkmenistanyň milli baýramyny Bitaraplyk gününi” bellemek karar edildi.

Bitaraplygymyzy alan günümizden bäri Türkmenistan tanalmaz derejede özgerdi. Aşgabat sebitdäki ylalaşdyryjy merkeze öwrüldi. Paýtagtymyzda täjigara, owganara gepleşikleriniň ençeme tapgyry geçirildi. Aýratyn geosyýasy şertlerde ýerleşen Watanymyz tutuş adamzadyň bähbidine hyzmat etjek ençeme ykdysady taslamalaryny orta atdy. Şolaryň durmuşa geçirilmegini bitaraplyk syýasatynyň miwesi atlandyryp bolar.
 

Maglumatlar www.eyho.8m.net -den alyndy